Posts

Showing posts from September, 2009

ගොවි පුතාගේ අඬහැරය

Image
ජාතියේ මහා රජු
දෙපා මුල දණ හොවා
ගොවි පුතා ඉකි ගසා වැලපුනා.
මදුරු මැසි කැල වැදී
උලා කෑ වසන්නේ
කැබැලි පෙන්නමින් ඔහු වැලපුනා.
ණය දුන්නු උතුමන්ගෙ
පොලු පහරවල් වැදුනු
දෙපා පෙන්වමින් ඔහු වැලපුනා.

රටම සශීක‍යැයි
කට දෙඩූ ඇමතියන්
උනුන් මුව බලාගෙන ගොලුවුනා

"ගොවි තැනට යෙදිය උත්තේ
පුෂ්ටිමත් මිනිසුන්ම පමණක් ය."
පුරෝහිත රජු කනට
කර හිමින් පැවසුවා.

"නැති ප්‍රශ්න මවා දෙන
වැරදි මත පතුරුවන
මූ දේශ ද්‍රොහියෙක්"
මුර ඇමති අඩු යමක් එක් කළා

පස්වනක් ප්‍රීතියෙන්
පිනා ගිය රජතුමා
සුදුසු කර්මාන්තේ පමණක්ම යෙදෙන්නට
ගොවි පුතුට අණ කළා.

දේශයට ද්‍රෝහි වී
වැරදි කර්මාන්තේ යෙදි පවට
විසි වසක් දඟ ගෙටත්
යොමු කළා.