Friday, April 24, 2009

මුදු පළඳවන සුබ මොහොතේදී ය....












නාඳුනන මා හිමි සඳ
නුඹට නොකියා බැරිය මේ වත....

අද රෑ යහන අභිමුව
සිතින් ඔහු රුව මවමින
ඔබ සමඟ යෙදෙමි රමණය....

සුබ ලකුණු නැති යහනත
හඬන්නට නම් බෑ මට....

නුඹටම හිමි ඉඩක් නැති
නුඹට එනමුත් ඉඩ ඇති
පා ලකුණු රැඳි යහනට
නගින්නට සිත් දේ නම්
පළඳන්න ඔය මුදුව මා අත....

Wednesday, April 22, 2009

බාල බොලඳ පෙම්වතියට...














යන්න ඔබ.... 
ඉහලටම, ආකහේ ගෑවෙන්න
වලාකුළු අතරින්.... 
සිනාසී මග දිගට හමුවන සැමටම...
බලා ඉන්නම් මම නිහඬවම

මමත් ඔය වගෙමයි... ඉස්සර
ඇහුවෙ නෑ කවුරුවත් කිව් දෙයක්...  

උඩු හුලඟින් ගිලිහී බිම වැටුනම...
පිහදාගෙන කදුළු 
අපි යමු ඇවිදින්න... 
අත්වැල් බැඳගෙන  

පෙන්නන්නම් මම 
පැල්ලම් තවමත් තියනව බිම 
මම වැටුණු තැන්වල.

Saturday, April 18, 2009

කඳුළු තොටුපළ












කඳුළු තොටුපළින් සමුගෙන යන්නම් 
බිඳුණු සිත පමණක් අරන් 
මටම හිමිනැති සිතක විරහේ 
කඳුළු බර ඇයි මේ තරම්

මසිත තෙත් කළ සිහිල් දිය බිඳ 
සබඳ ඒ ඔබගේ සෙනේ 
පිපාසිත හැම දෙතොලටම නුඹ 
කිමද දිය බිඳුවක් වුණේ

අමාවක සිඳ අහස් කුස සඳ 
නැගෙන්නට පෙර පෙති ලිහා 
කුමුදිනිය නුඹ තරු කොපුල් මත 
හාදු තවරා හිනැහුණා

Saturday, April 11, 2009

ආදරයේ ඇදුරුතුමිය


අ' යනු 'ආ' යනු 
කියනු වෙනුවට 
සඥ්ඥක මූර්ධඡ අතරේ 
සිර කෙරුවේ ඇයි මගෙ සිත