Tuesday, March 21, 2023

උසාවිය නිහඬයි



    උසාවිය නිහඬ යි
    මගේ තනි හිත විතරමයි මට
    දැවී ගිණි ගන්නා
    කූඩුවක මම - බංකුවක කොන
    නාඳුනන ලෙස නුඹ බලා ඉන්නා

    තව පුංචි මොහොතයි
    සොලොස් වසරක් අත් බැඳන් ආ
    ගමන නිම වෙන්නා

    දෑස් බැඳ නීතියේ දෙවඟන
    අපට හිනැහෙන්නා
    මගේ හද විනිවිද දකින නුඹ
    නුදුටු මේ ගිණි
    ඇයට නොහැඟෙන්නා

    ඉගිල්ලෙන්නට තනන නුඹ ලග
    තදින් දෑඟිලි බැඳන් කුමටද?
    විසල් අහසට නුඹට මග පෙන්නා
    මම මෙහි ම නවතින්නම්.....


    - සුදාර මුතුහෙට්ටි (2023)


No comments:

Post a Comment